Guerra civil en Finlandia

Guerra civil en Finlandia
Parte de Primer Guerra Mundial y Guerra civil rusa
Fecha	27 xineru 1918 → 15 mayu 1918
Llugar	Finlandia
Resultáu	Victoria blanca. Rusia retírase militarmente de Finlandia.[1] Hexemonía alemana hasta avientu de 1918. Fonda fienda ente los fineses, que se cerraría pasu ente pasu.
Belixerantes
Guardia Blanca Jägers finlandeses Imperiu alemán Voluntarios suecos, estonios[2] y polacos Guardia Colorada RSFSR
Comandantes
C.G.Y. Mannerheim Ernst Linder Karl Fredrik Wilkama Hjalmar Frisell Rüdiger von der Goltz Hugo Meurer Ali Aaltonen Eero Haapalainen Eino Rahja Kullervo Manner Adolf Taimi Evert Eloranta Kullervo Manner Verner Lehtimäki
Fuercies en combate
80 000-90 000 fineses,[3] 13 000 soldaos imperiales alemanes,[3] 500-1000 voluntarios suecos[4] y 1737 voluntarios de la Lexón Polaca[5] 80 000-90 000 fineses y 4000-10 000 soldaos del antes Exércitu Imperial Rusu[3]
Baxes
3414 finlandeses y 450-500 alemanes muertos en combate, 1400-1650 executaos, 46 sumíos y 4 muertos nos campos de concentración[6] 5199 finlandeses y 900-1000 rusos muertos en combate, 7000-10 000 finlandeses y 550-600 rusos executaos, 2000 sumíos y 11 000-13 500 muertos en campos de concentración[6]
[editar datos en Wikidata]

La guerra civil finlandesa (del 27 de xineru al 15 de mayu de 1918) foi parte del caos social y nacionalista causáu n'Europa nes acabadures de la Primer Guerra Mundial. D'un llau atopábense les fuercies socialdemócrates, dirixíes pola delegación popular de Finlandia, comúnmente conocíos como «coloraos» (punaiset). Del otru llau atopábense les fuercies del senáu, controlaes dende la seronda anterior polos conservadores —quien pretendíen caltener el statu quo; esto ye, caltener la independencia y la monarquía constitucional ensin parllamentarismu—, popularmente conocíos como «blancos» (valkoiset). Los colloraos recibieron l'ayuda de la Rusia bolxevique, ente que los blancos fueron sofitaos militarmente pol Segundu Imperiu alemán.

Los finlandeses tienen munchos nomes pa esti conflictu: vapaussota ('guerra de la llibertá'), kansalaissota o sisällissota ('guerra civil'), luokkasota ('guerra de clases'), punakapina ('Rebelión colorada'), torpparikapina ('Rebelión de los minifundistes'), veljessota ('guerra ente hermanos') ya inclusive vallankumous ('Revolución'). Los historiadores actuales señalen que toos estos nomes distintos son igual de válidos, anque difieren nes sos cargues propagandístiques.

Les revoluciones de febreru y ochobre de 1917 bastiaron la derrota y total colapsu del Imperiu rusu, que la so cayida repercutió na rotura de la sociedá finesa. Los socialdemócrates y los conservadores compitieron pol lideralgu del Estáu finés, que basculó de la izquierda a la derecha en 1917. Dambos grupos collaboraron coles fuercies polítiques correspondientes en Rusia, afondando na fienda nacional abierta.^[7]

Puesto que Finlandia nun disponía d'exércitu o policía definíos dempués de marzu de 1917, dambos bandos empezaron a reclutar los sos propios grupos de seguridá, lo que llevó al surdimientu de dos tropes independientes, la Guardia Blanca y la Guardia Colorada. Ente los finlandeses estendió una atmósfera de tensión político y mieu, hasta qu'en xineru de 1918 la espiral de violencia condució al españíu de la guerra.

Los blancos resultaron victoriosos na consiguiente guerra, y pasaron dende la esfera d'influencia rusa a l'alemana. El senáu conservador intentó establecer una monarquía finlandesa, con un rei alemán: el príncipe Federico Carlos de Hesse-Kassel, pero, tres la derrota alemana na Gran Guerra, Finlandia remaneció como una república democrática independiente.^[8].

La guerra civil sigue siendo l'eventu más revesosu y emocional na historia de la Finlandia moderna, y esistieron apuestes sobre'l nome que tenía de dase al conflictu.^[9] Aproximao 37 000 persones morrieron mientres el conflictu, lo qu'inclúi tanto baxes nel frente como muertes causaes por campañes de terror político y un altu índiz de morrina nos campu de prisioneros. Desarticuló la economía finlandesa y estremó l'aparatu políticu y la nación finlandesa mientres munchos años. El país se cohesionó amodo gracies a compromisos per parte de los partíos políticos moderaos y concesiones dende la izquierda y la derecha.^[10]

1. ↑ Upton, 1981: 59-62
2. ↑ Ylikangas, 1993: 55–63
3. ↑ ^{3,0 3,1 3,2} 2000 muyeres (edá media de 20 años) lluchaben na Guardia Colorada, Arimo 1991, Manninen 1992–1993 II, pp. 131, 145, Upton 1981, p. 107
4. ↑ Arimo 1991,; Manninen, 1993: 44-73, 96-177; Upton, 1981: 107, 267-273, 377-391
5. ↑ Westerlund, 2004c: 233-236; Muilu, 2010: 87-90
6. ↑ ^{6,0 6,1} Manninen 1992-1993, Paavolainen 1966, Upton 1981, pp. 191, 453
7. ↑ Upton 1980, pp. 109–114, 195–263, Alapuro 1988, pp. 185–196, Haapala 1995, pp. 11–13, 152–156
8. ↑ Upton 1980, pp. 434-435, Ylikangas 1986, pp. 163-172, Manninen, T. 1992 en; Manninen, O. ed., parte I, páxs. 346-395 y páxs. 398-433, Haapala 1995, pp. 223-225, 237-243, Vares 1998, pp. 56-137, Jussila 2007, pp. 264-291
9. ↑ La guerra civil finlandesa foi bautizada como Guerra pola llibertá, Guerra d'hermanos, Guerra de clases, Rebelión colorada y Revolución finlandesa. Haapala 1993 , Manninen 1993, Ylikangas 1993b, Lackman 2000
10. ↑ Haapala 1995, pp. 241-256